فودافون كاش طريقة تفعيله وأهمية استخدامه
فودافون كاش هي محفظة الكترونية علي موبايلك تقدر تسيب فيها فلوسك وتسحبها أو تستخدمها سنقدم لكم من خلال هذا المقال كيفية تفعيل فودافون كاش وأهم استخدامته تابع معانا الاتي.
ما هو فوادفون كاش؟
هو محفظة بس علي الموبايل ودا عبقرية الخدمة انك لما تشيل فلوس علي موبايلك هتقدر تعمل بيها اللي متقدرش تعمله بالفلوس اللي في جيبك ازاي ده؟ اقولك ازاي : هو انت تقدر تشحن باقتك الساعة 3 الفجر بالفلوس اللي في جيبك او تقدر تطلع فلوس من جيبك تحطها في جيب اخوك اللي متغرب او بيدرس في الجامعة مثلا في اقل من دقيقة طب تقدر تطلع فلوس من جيبك تشتري بيها تيشيرت او كتاب من علي الفيس او النت عموما اكيد لا يبقي تعالي اقولك ازاي فودافون كاش بتعملك كل ده.
أهم استخدامات فودافوان كاش
- تحويل الاموال انا قاعد في بيتي وعايز ابعت فلوس لاخويا او صديقي او حتي اتبرع لحالة انسانية منشور عنها ع الفيسبوك او اسدد اسهم جمعية خيرية انا مشترك فيها وانا بعيد عنها بدخل الخدمة واختار تحويل الاموال وبعدها ادخل رقم التليفون اللي لازم يكون هو كمان عنده نفس الخدمة سواء فودافون كاش او اتصالات كاش او اورانج كاش وبعدها بدخل المبلغ اللي عايز احوله واللي لازم يكون اقل من رصيدي طبعا وبعدها هدخل الرقم السري واضغط تحويل وفي ثواني هيكون المبلغ وصل.
- شحن الرصيد ودا مش محتاج شرح بتختار خدمة شحن الرصيد وتختار تشحن لرقمك او لرقم تاني وتدخل مبلغ الشحن لوعايز مثلا رصيد ب10ج هتشحن 15ج وهكذا وفي خاصية تجديد باقة فليكس مباشرة من خلال اختيار تجديد الباقة ودا لرقمك فقط .
- الشراء اونلاين وعشان تشتري اونلاين لازم يكون عندك فيزا تشتغل علي الانترنت ودا صعب طبعا لان لازم حساب بنكي وقصه كده فودافون بتعملك فيزا في دقايق بالمبلغ اللي انت عايزه يعني لو عايز اشتري حاجة ب300ج هعمل فيزا ب305 مثلا وهي هتبعتلي رقم للفيزا وتاريخ صلاحية ورمز امان زي الفيزا الحقيقة بالظبط ادخل موقع الشراء وادخل بيانات الفيزا واشتري هيخصم منها الفلوس ومبروك عليك المنتج .
- السحب من atm بما انك حاطط فلوس في الكاش وانت معاك حساب بنكي علي فودافون طيب انا عايز اسحب في اي وقت من اي صراف آلي اعمل ايه سواء شايل فلوس علي الحساب او حد مثلا من اهلي باعتلي فلوس وعايز اسحبها او ببيع حاجات اونلاين وجمعت مبلغ وعايز اسحبة من غير ما اروح الفرع بتاع الشركة هنا هتختار خدمه السحب من atm وهتدخل المبلغ اللي عايز تسحبه ولازم تكون واقف قدام الماكينة عشان فودافون بتبعتلك رقم سري مدة صلاحيتة تقريبا 30 دقيقة هتدخل علي ماكينة atm لاي بنك هتلاقي علي الشمال تحت خدمات بدون بطاقة اختارها واختار بعدها المحافظ الالكترونية هيطلب منك رقم المحفظة اللي هو رقم تليفونك اللي عليه الخدمة وبعدها هيطلب الرقم السري للعملية هتدخل الرقم اللي فودافون بعتهولك في رساله بعدها هيطلب المبلغ دخل نفس المبلغ اللي انت عامل بيه كود السحب وبعدها الماكينه هتعد الفلوس وتطلعلك المبلغ طيب ممكن وانا في بيتي اخلي حد يسحب من حسابي انا وهو معندوش فودافون كاش اه ممكن هخليه يروح عند الماكينة واطلب انا الكود وابعتهوله واتساب وهو يمشي نفس الخطوات ويسحب المبلغ من الماكينة من حسابي وانا في بيتي.
كيفية تفعيل خدمة فودافون كاش
من اقرب فرع للشركة هتاخد بطاقتك اللي لازم يكون رقمك متسجل بها طبعا لو الخط باسم اخوك او ابوك لازم يروح معاك ببطاقته وهتقوله عايز افعل فودافون كاش هيفعهالك ببلاش وانت واقف.
طريقة شحن خدمة فودافون كاش
الشحن من الفرع او من اي ماكينة فوري عادي بتروح تقوله عايز احط فلوس في فودافون كاش ياخد المبلغ ورسوم ايداع رمزية في النهاية الخدمة مهمة جدا لكل اللي له ابن او اخ بيدرس وهيحتاج يبعتله فلوس تقدر تبعت في اي وقت وهو يستلم في اي وقت لا بواسطة ولا زحمة ولا ايام عمل رسمية مهمة كمان لاي حد عايز يبيع او يشتري اونلاين ومهمة لاي حد عايز يشترك في جمعيات خيرية او يتبرع لاي حاله علي النت مثلا.
وبالنهاية سوف نكون قدمنا لكم كافة التفاصيل التي تخص خدمة فودافون كاش ولمعرفة اهم اكواد فودافون كاش اضغط علي التالي من هنا .
شارك